 |
| રંગબેરંગી રંગમાં ચરોતર |
ધૂળેટીના દિવસે મહિલા દિન પણ છે. તે જાણી ચરોતરની મહિલામાં ઉત્સાહ આવી ગયો હતો. ગ્રામીણ મહિલાઓ દ્રારા અનેક ઠેકાણે સવારથી ધૂળેટી રમવાનું શરૂ થઈ ગયું હતું. જોકે આ પરિવારની ખુશીમાં ખુશ રહેતી મહિલાઓ માટે ધૂળેટીને ભરપેટ માણી રહી છે.
ગુલાબ ડે, વેલન્ટાઈન ડે કે પછી ફ્રેન્ડશીપ ડેની ઉજવણીમાં થનગનાટ મચાવતી યુવતીઓ પૈકી મોટાભાગની યુવતીઓને 8મી માર્ચ આંતરરાષ્ટ્રીય મહિલા દિનની હોવાની અને તેની ઉજવણી કરવાની સાચી રીતની ભાગ્યે જ જાણ હશે. પરંતુ આ ધૂળેટીના પર્વએ આ ઉજવણી કરવાની તક પણ પૂરી પાડી હતી. ખેડા જિલ્લાના મુખ્ય મથક નડિયાદમાં અનેક મહિલાઓ આજે સમાજમાં પોતાનું શિર ઉંચુ રાખીને આગળ ધપી રહી છે. ઘરના ગાડાને ચાલવતા પતિ સાથે ખભેખભો મિલાવીને કાર્ય કરતી મધ્યમવર્ગીય ગૃહિણીઓની સાથે હાથલારી ખેંચીને પરિવારના ભરણપોષણમાં પ્રવૃત મહિલાઓને ધૂળેટી અનેરો પર્વ બની ગયો હતો.
શાકભાજી વેચતી મહિલાના મતે અમે સલામતીથી જીવી શકેએ તેનાથી વધુ અમારે કશુંય જોઈતું નથી. મહાત્મા ગાંધીએ આઝાદીની લડત વખતે સ્ત્રીઓ માટે વપરાતો ચિરપરાધિનતા શબ્દ સામે સખ્ત વિરોધ નોંધાવી કહ્યું હતું કે જેનામાં અવિત્રતાની શક્તિ છે.તેને પરાધિન કહેવી એ અધર્મ છે.
રાકેશ પંચાલ